372

لمی عمر لئی اک اسان عادت

کیہ تسیں لمی تے صحت والی حیاتی چاہندے او؟ تاں فیر تہانوں اک سوکھی عادت پانی ہووے گی، جدے لئی کسے خرچے دی لوڑ نئیں پئے گی۔
جی ہاں بس تہانوں تیزی نال ٹرن دی عادت بنانی ہووے گی، جدے نال تہانوں اک لمی حیاتی وچ مدد ملے گی۔ ایہہ گل برطانیہ وچ ہوون والی پرچول مگروں دسی گئی اے۔ لیسٹر یونیورسٹی وچ تحقیق مگروں دسیا گیا پئی 2006 توں 2016 دے درمیان اوسطاً 52 ورھے دی عمر دے 4 لکھ 74 ہزار بندیاں دے ڈیٹا دا تجزیہ کیتا گیا۔ جیہڑے لوک تیز چلن دے عادی ہوندے نیں۔ اوہناں دی عمر85 توں 88 ورھے درمیان ہوندی اے۔ ایہدے مقابلے وچ ہولی ٹرن والے64 توں 72 ورھے دے وچکار جنہاں دی عمر ہوندی اوہ بوہتا ویلا بیٹھ کے گزارن دے عادی نہ ہون۔ تیز چلن والے بہانویں موٹاپے دا شکار کیوں نہ ہوون اوہ لمی حیاتی گزاردے نیں۔

اپنی رائے دا اظہار کرو