286

13 جولائی، تاجراں ہڑتال دا اعلان کردتا

بجٹ وچ سیلزٹیکس اضافے خلاف ملک دے مختلف شہراں وچ تاجراں دااحتجاج تے ہڑتال جاری اے، جدکے آل پاکستان انجمن تاجران نے وی 13 جولائی توں ملک بھر وچ شٹر ڈاؤن ہڑتال داہوکابھردتا اے۔
گوجرانوالہ وچ انجمن تاجران کلاتھ بورڈ دی ہڑتال جاری اے تے صدر کلاتھ بورڈ نے منگل نوں سارے بازار بند رکھن دا اعلان کیتا اے۔ جیہدے پاروں سید نگری بازار، اردو بازار، ٹھاکر سنگھ گیٹ تےصرافہ بازار دی ساری دکاناں دو دیہاڑے بند رکھی جاون گئیاں۔
فیصل آباد وچ وی سیلز ٹیکس اضافے خلاف شہر وچ تاجراں ہڑتال کیتی، جیہدے پاروں غلہ منڈی، چوک گھنٹہ گھر دے اٹھ بازار تے کپڑے دے بازار بند نیں۔
قبائلی ضلعیاں وچ تاجراں دی ہڑتال جاری رہی، خیبر وچ 35 اسٹیل ملاں بند رہیں۔
صدر آل فاٹا اسٹیل ملز نے ٹیکس واپس نہ لین دی صورت وچ صوبائی اسمبلی باہر احتجاج دی تڑھی لادتی۔
دوجے پاسے آل پاکستان انجمن تاجران وی 13 جولائی توں ملک بھر وچ شٹر ڈاؤن ہڑتال دااعلان کیتااے۔
کراچی دی تن دیہاڑدی ہڑتال گورنر سندھ دے معافی منگن مگروں واپس لی۔
صدر آل پاکستان انجمن تاجران دسیابکرا عید اتےجانوراں دی خریداری بارے ایف بی آر دا نوٹس کسے صورت ٹھیک نئیں۔

اپنی رائے دا اظہار کرو