252

گوادر : پی سی ہوٹل حملہ،4 دہشت گردہلاک،گارڈشہید

گوادر وچ فائیو اسٹار ہوٹل پرل کانٹی نینٹل اتے دہشت گرداں حملہ کر دتا جیہدے مگروں سیکیورٹی فورسزتے حملہ آوراں وچکار فائرنگ داتبادلہ ہویا،
میر ضیا اللہ لانگو نے بی بی سی نوں دسیا کہ ہوٹل دی عمارت وچ ’سیکورٹی فورسز نے آپریشن مکمل کرلیا،جدے وچ چار دہشت گرد مارے گئے،حملہ آوراں دا مقابلہ کردیاں ہوٹل گارڈ شہید ہو گیا۔
ایس توں پہلاں ایس ایچ او گوادر اسلم بنگلزئی دسیا،اوہناں نوں 4 وج کے 50 منٹاں اتے اطلاع ملی پئی، 3 توں 4 دہشت گرد پی سی ہوٹل وچ وڑگئے نیں، اوہناں آکھیا ہوٹل وچ کوئی غیر ملکی نئیں اے،
صوبائی وزیر داخلہ ضیا لانگو دسیا آپریشن وچ ایف سی، پولیس اور لیویز فورس حصہ لے رہیاں نیں، جدکے دہشت گرداں دی فائرنگ نال ہوٹل وچ موجود بندے زخمی ہوگئے۔ہوٹل وچوں کڈے بندیاں نوں ہیلی کاپٹر راہیں محفوظ تھاں اتے منتقل کیتا گیا، ‏ہوٹل دے عملے بارے کوئی اطلاع نئیں،
انسپکٹر جنرل پولیس (آئی جی پی)محسن حسن بٹ نے وی ہوٹل وچ کسے غیر ملکی دے ہوون دی تصدیق نئیں کیتی، اوہنا دسیا پئی ایس صورتحال اتے پاک فوج نوں طلب کرلیا گیا ۔

اپنی رائے دا اظہار کرو