289

کائرہ دے پُتر دی نماز جنازہ، وَڈی گنتی چ لوکاں دی شرکت

لالہ موسیٰ (سجن رپورٹ) پاکستان پیپلز پارٹی وسطی پنجاب دے صدر تے سابق وزیر اطلاعات قمر زمان کائرہ دے جوان پُتر اسامہ کائرہ دی نماز جنازہ اَج لالہ موسیٰ دے لنک سکول دی گراونڈ چ پڑھی گئی۔ نماز جنازہ چ لالہ موسی، لَاگے دے دوجے شہراں تے پنڈاں دے لوکاں دے نال ملک بھر توں آئے پیپلز پارٹی دے رہنما تے کارکن وَڈی گنتی چ شریک ہوئے۔ پیپلز پارٹی دے چیئرمین بلاول بھٹو تے سابق صدر آصف زرداری ہوری وی جنازے وچ شریک ہوئے۔ ریلوے دے وفاقی وزیر شیخ رشید احمد تے دوجی سیاسی جماعتاں دے ہور کئی سیاستدان وی جنازے نال رَلے۔ قمر زمان کائرہ لالہ موسیٰ لَاگے پِنڈ کیلیانوالی دے رہن والے نیں تے اوہناں دا خاندان پیپلز پارٹی بنن دے ویلے توں علاقے وچ سیاست کر رہیا اے۔ اوہناں دا 20 ورھیاں دا پُتر اسامہ گورنمنٹ کالج لہور وچ بی ایس آنرز دے تیجے ورھے دا پڑھیار سی۔ کل اوہ جی ٹی روڈ راہیں کھاریاں توں لالہ موسی جا رہیا سی کہ کار قابو توں باہر ہو کے رُکھ نال جا وَجی جس کارن اوہ تے اوہدا سَنگی چلنا کر گئے۔

اپنی رائے دا اظہار کرو