285

پاکستان لئی نویں مشکل،ایف اے ٹی ایف کیہ فیصلہ کردا؟

(رپورٹ، ڈان اخبار)
فنانشل ٹاسک فورس دی ہیٹھ لی تنظیم ایشیا پیسفک گروپ اے پی جی پاکستان دے عالمی معیار دی مطابقت لئے کارگزاری اُتے بے وسائی دسی اے. ایس گروپ پاکستان نوں منی لانڈرنگ تے دہشت گردی دی مالی مدد روکن لئی اداریاں وچکار رابطے دی کمی ول اشارہ کیتا اے.
ایشیا پیسفک گروپ دے وفد پاکستان دی کارگزاری دا جائزہ لیتا اوہناں نوں گل بات دوران ڈاھڈی مایوسی ہوئی. پاکستان دا آکھنا سی مسیتاں تے مذہبی ادارے دہشت گردی وچ ملوث نئیں دوجے پاسے اجیہے کماں وچ رلن والیاں نوں تقریراں کرن تے چندے کٹھے کرن اتے سزا جرمانے دیو تفصیل وی دتی. دہشت گردی کرن والیاں تنظیماں‌ خاص کر جنہاں اتے بھارت الزام لاندا آیا اے، اوہناں خلاف کارروائی دا کوئی ثبوت سامنے نئیں آیا. گروپ ایس توں وی مایوس ہویا.

وفد نے قانون لاگو کرن والے اداریاں دے سرکاری اداریاں نال رابطے دی وڈی کمی ول اشارہ کیتا ایس دے نال ای خفیہ اداریاں نا8ل معاملے ڈھلے پائے جاون دی نشاندہی کیتی. گروپ آکھیا 8 کالعدم تنظیماں خلاف کارروائی کافی نئیں سی ایہناں دے آڈٹ وچ بھی جھول تے خامیاں سن.
اے جی پی دا وفد تن ہفتے مگروں ایف اے ٹی ایف نوں رپورٹ جمع کرائے گا. جون وچ فیصلہ کیتا جاوے گا پئی ستمبر وچ پاکستان نوں گرے لسٹ وچوں‌ کڈیا جائے یا بلیک لسٹ وچ درج کردتا جائے.

اپنی رائے دا اظہار کرو