231

مانیٹری پالیسی دااعلان، شرح سود 12.25 فیصد

سٹیٹ بینک آف پاکستان نے اگلے دومہینیاں لئی مانیٹری پالیسی دا اعلان کردتا۔ پاکستان وچ مڈھلی سود دی شرح ودھ کے12.25 فیصد کردتی گئی۔
مانیٹری پالیسی وچ دسیا گیا کہ ایس مالی ورھے دوران جولائی توں مئی تک سرکارنے سٹیٹ بینک توں ڈھائی گنا ودھ قرضہ لیتا جیہڑا تقریباً 48 کھرب روپے نیں۔
اسٹیٹ بینک مطابق مہنگائی دی اوسط شرح 3.8 فیصد توں ودھ کے 7 فیصد تیک اپڑگئی، آئندےبجٹ وچ ٹیکساں دے اگے پچھے ہوون نال بجلی تےگیس دے مُل وچ وادھا تے تیل دی عالمی قیمتاں وچ وادھے نال مہنگائی چڑھ سکدی اے۔
اسٹیٹ بینک آس ظاہر کیتی کہ چالو ورھے حقیقی ترقی دی شرح دا دو تہائی توں ودھ حصہ سروسز توں آون دی آس اے، آئندے ورھے شرح نمو ودھے گی۔
کرنٹ اکاؤنٹ خسارے وچ 29 فیصد کمی ہوئی، لنگھے ورھے ایہہ خسارہ 13 ارب 60 کروڑ ڈالرسی۔ جیہڑا ہن گھٹ ہوکے 9 کھرب 60 ارب روپے ہوگیا۔

اپنی رائے دا اظہار کرو

مانیٹری پالیسی دااعلان، شرح سود 12.25 فیصد” ایک تبصرہ

  1. پاکستان دے اسٹیٹ بینک نے تے سٹے بازاں نوں وی مات دے دتی. مونیٹری پالیسی قیاس آرائیاں تے بنا دتی. سود دی شرح ودھاون دی کوئی تکنیکی وجہ نہیں. ملک دے اندر مہنگائی دی پیش گوئی کرن دی کوئی تکنیکی وجہ موجود نہیں.انٹرنیشنل مارکیٹ وچ تیل دی قیمت دی قیاس آرائی کرن لئی اسٹیٹ بینک دے کول کوئی مناسب ٹول موجود نہیں.جے کل امریکہ ایران ٹینشن گھٹ گئی؟ اسٹیٹ بینک نے اپنی مونیٹری پالیسی سٹیٹمنٹ وچ ایہہ بچگانہ دعوا وی لکھ دتا اے کہ اوہدے اک سروے وچ شہریاں دی اکثریت نے خدشہ ظاہر کیتا اے کہ مہنگائی ودھے گی, ایس لئی سود دی شرح 21 مئی توں ودھا دیو. اینج تے ریاستاں کدھرے نہیں چلدیاں ویکھیاں.

تبصرے بند ہیں