220

فوادچودھری داغصہ، صحافی نوں چپیڑماردتی

فیصل آباد وچ اک ویاہ دوران وفاقی وزیر فوادچودھری نے سنیئر اینکر پرسن سمیع ابراھیم نوں تھپڑ ماریا، جیہدے مگروں ایہہ بحث شروع ہوگئی کہ چپیڑ صحافت دے مونہہ اتے چپیڑ اے، صحافیاں ایس واقعے دی کڑی نندیا کیتی،
بی بی سی نال ایس جھگڑے بارے فواد چوہدری دسیا کہ تقریب وچ سمیع ابراہیم نال جدوں ٹاکرا ہویاتاں اوہناں غصے وچ آکےتھپڑ مار دتا۔
ٹی وی اینکر بارے کجھ ہور گل دسی، اوہناں دا دعویٰ اے، پئی ، اوہناں حکومتی اشتہاراں نوں سٹریم لائن کرایا تے رییٹنگز مطابق A,B, C تے D کیٹیگریاں بنادتیاں ، ایس تبدیلی نال حکومتی اشتہاراں وچ 70 فیصد کمی آگئی۔ ہن چینلز وچ دوڑ لگی سی کہ سانوں A یا B کیٹیگری وچ رکھیا جاوے۔ سمیع ابراھیم مینوں آکھیا اسیں تہاڈی بڑی خدمت کیتی اے، ساڈی کیٹگری A کردیو تے نال ای دو کروڑ روپے دی ایڈجسٹمنٹ دا وی آکھ دتا۔ میرے انکار مگروں اک مہم میرے خلاف شروع کر دتی گئی جیہڑی بلیک میلنگ دی شکل اختیار کرگئی سی۔
سمیع ابراہیم بی بی سی نوں دسیا کہ اوہ شادی دی تقریب وچ کجھ صحافیاں نال کھلوتے گپ شپ کر رہے سن،ایس دوران کسے دے گالاں کڈھن دی آواز آئی،اوہناں مڑکے ویکھیا تاں فوادچودھری کول اپڑ کے مونہہ اتے چپیڑ دے ماری۔ اوہناں فیر وی کجھ نئیں آکھیا۔

فواد چوہدری دا آکھنا سی بحث دوران اوہناں تھپڑ سمیع ابراہیم نوں ماریا، اوہ صحافت دے مونہہ اتے نئیں سی۔
سمیع ابراہیم دا کہنا سی کہ وفاقی وزیر نے قانون ہتھ لیا جس تے اوہناں پولیس نوں ایف آئی آر لئی درخواست جمع کرا دتی اے،ہاں پلس آکھ دتا اے فوری کارروائی نئیں ہوسکدی۔
وزارت سائنس وٹیکنالوجی اک وضاحت جاری کیتی اے، جدے وچ آکھیا گیا کہ ایس واقعے نوں دو اداریاں وچ ٹکر نئیں نہ سمجھیاجاوے سگوں دو بندیاں وچ جھگڑا خیال کیتا جاوے۔

اپنی رائے دا اظہار کرو