447

شہباز شریف لندن توں لہور مڑ آئے

لہور(سجن رپورٹ) مسلم لیگ نون دے صدر شہباز شریف اتوار دی سجری سویرے لندن توں لہور آپڑ گئے۔ دو میہنیاں مگروں شہباز شریف دی واپسی نال اوہناں دے پرتن یا نہ پرتن بارے رولا مک گیا۔ شہباز شریف نوں لہور دے ہوائی اڈے اتے جی آیاں نوں آکھن لئی لیگی آگو امیرمقام احسن اقبال۔ پرویز ملک تے لاہور توں اسمبلی ممبراں توں ہٹ دو ترے سو ورکر وی موجود سن۔ نون لیگ کے صدر نوں ائیرپورٹ توں کاراں دے قافلے دی شکل وچ ماڈل ٹاؤن کھڑیا گیا۔ پنجاب دے سابق وزیراعلی دی گڈی اتے پھل سٹے گئے تے نوٹ لٹائے گئے۔ ایس موقعے اتے احسن اقبال دا آکھنا سی بئی شہباز ہوراں دے مڑ آون نال سرکار دا پروپیگنڈہ جھوٹا ثابت ہوگیا۔ نون لیگ دی ترجمان مریم اورنگزیب وی حکومت نوں رج کے طعنے مارے۔ اوہناں دا آکھنا سی کہ شہباز شریف دے پرتن نال ہن عمران خان دے گھبران دے ویلا نیڑے آگیا اے۔

اپنی رائے دا اظہار کرو