290

سرحدی پنڈاں دا خوف کیویں جاوے گا؟

پاکستان تے انڈیا نوں ونڈن والی ورکنگ باؤنڈری لاگے پنڈ کندن پور دی مسرت بی بی دو منڈے 24 ورھیاں دا قمر سجاد تے 22 ورھیاں دا وقاص علی دستانے بنا کے سیالکوٹ ویچدے سن،دوہاں دی شادی کردتی، اوہناں والد ملک مقصود نیں جانور رکھے نیں۔ 2015 وچ اگست دی اک رات اوہناں نئی حیاتی وچ تباہی لے آوندی۔ پاکستان انڈیا وچ کھچا مگروں پنجاب دی ورکنگ باؤنڈری اتے دوہاں ملکاں دی فوجاں وچکار گولہ باری وٹاندرا ہویا۔ کُندن پور دی وسنیک جان بچان لئی اوتھوں نسے، وقاص نیں اپنے نکے منڈے وقار نوں سانبھیا تے اک کمرے وچ پناہ لین لئی دوڑیا، ویہڑے وچ اک گولہ آڈگیا۔
اوہناں دی ماں مسرت بی بی اوس دیہاڑ نوں یاد کرکے اج وی اکھاں دی لڑی لے آندی اے۔ اوس دسیا جدوں قمر اپنے بال نوں کوچھڑ چک کے گیا تے اوہ وی گولے دا نشانہ بن گیا۔ فیر ویکھدیاں ویکھدیاں سرا گھر تباہ ہوگیا۔
مسرت دے دو منزلہ پکے مکان سامنے سڑک پار قبرستان اے، جتھے تن پکی قبراں جنہاں وچ دو منڈے تے اک پوترا دفن نیں۔ ایہناں قبراں اتے پاکستان دا جھنڈا لگیا اے۔
مسرت بی بی اج وی ڈری سہمی اے، اوس نوں 2015 دی نئیں بھل دی، اک منڈے دی بیوہ تے دوہاں منڈیاں دے دو دو بالاں نوں پال رہی اے۔اوہدا گھروالا ملک مقصود کجھ چر توں ہتھ زخمی کرن مگروں اپاہج ہوگیا تے کوئی کم کار نئیں ہوپاندا۔ میاں بیوی نوں اپنے پوتریاں دی ڈاھڈی چنتا رہندی اے۔ مسرت بی بی آکھیا ‘کوئی آسرا نہیں۔ کوئی کمان والا نئیں، ۔۔بس اللہ دا آسرا اے، ساڈی حیاتی دا کجھ نئیں پتہ، ایس ٹبر دا کون وارث ہے؟’

مسرت بی بی نئیں کئی ہور اجیہے پنڈاں والے نیں جنہاں دی حیاتی سرحد اتے ہوون والی ایس کشیدگی پاروں مشکل ویلا ویکھ چکی اے، اوہدوں محمد منیر دی زنانی سنے ست گھر والے موت دے مونہہ وچ چلے گئے۔ زخمیاں وچ اوہدی دو جوان کڑیاں وی سن جنہاں دے ویاہ ہون والے سن، اوہ دونویں اپاہج ہوگئیاں۔ چار ورھیاں مگروں وی چلن وچ اوکڑاں نیں۔اوہ ہن منیر دی ذمہ داری بن گئیاں نیں۔
کندن پور پنڈ وچ سبھ اک دوجے نوں جانندے نیں، ایتھے گولہ باری ہوندی رہندی اے، تے ایتھے وسن والیاں لئی، کوئی ہور راہ نئیں، اپنے گھراں تے زمیناں نوں چھڈ کے کتھے جاون۔
اوہناں دا آکھنا اے، دشمن ہن وی حملے کردا اے، پتہ نئیں اسیں کتھے جائیے، اوہ ساڈے کولوں کیہ چاہندا اے سرکار نال جاکے مقابلہ کرے ساڈے ٹبراں دا کیوں ویری ہویا اے۔

بی بی سی

اپنی رائے دا اظہار کرو

سرحدی پنڈاں دا خوف کیویں جاوے گا؟” ایک تبصرہ

تبصرے بند ہیں