281

کالج استاد خودکشی کیوں کیتی؟

لہور دے محمڈن اینگلو اورینٹل (ایم اے او) کالج وچ انگریزی دے لیکچرار محمد افضل نے جنسی ہراسگی دے جھوٹے الزام تے فیرانکوائری کمیٹی توں کلیئر ہوون مگروں تحریری رپورٹ نہ ملن اتے دلبرداشتہ ہوکے خودکشی کرلئی۔


ماس کمیونیکیشن ڈیپارٹمنٹ دی پڈھیار کڑی نے لیکچرار محمد افضل اتے جنسی ہراسگی دا الزام لایا جیہدی انکوائری شعبہ فزکس دی پروفیسر عالیہ نوی دتی گئی۔ اوس نے محمد افضل نوں بے گناہ قرار دتا۔
دسیا جاندا اے پئی پرنسپل فرحان عبادت دا استاداں نال رویہ سخت رہندا اے، دوجے استاداں وی ایس دی شکایت کیتی۔ ایس معاملے وچ محمد افضل نوں بے گناہ ہوون دی تحریری رپورٹ مطالبہ کرن باوجود نئیں دتی گئی، استاد دی ماں تے بیوی اوس توں ناراض سن ، اوہدے کردار اتے سوال اٹھے، اوہ کسے نوں کوئی جواب نئیں دے پارہیا سی، ایس ساری صورتحال وچ ذھنی پریشانی دا شکار ہوگیا۔ بیوی گھر چھڈ کے چلی گئی۔
اپنے خط وچ محمد افضل نے پروفیسر عالیہ نوں درخواست کیتی کہ اوہ انکوائری نوں دوبارہ کھولن تے انتظامیہ توں آکھن کہ ایک پروفیسر اتے جھوٹھے الزام لگاوں والی طالبہ نوں کالج توں کڈھیا جاوے۔ اوہناں آکھیا ایہہ اکو راہ اوہناں نوں ہراساں کرن والے الزام توں بری کرا سکدا اے۔
ایم اے او کالج پرنسپل فرحان عبادت میڈیا اتے گل آون مگروں آکھیا کہ خط لکھن تے خود کشی وچ اک دن دا وقفہ اے، اک یا 2 دن مل جاندے تاں تحریری جواب دے دینا سی۔

اِیس خط دے اگلے روز لیکچرار محمد افضل نے خود کشی ک۔
سوشل میڈیا اتے می ٹو مہم (MeToo#) دے غلط استعمال اتے وی تنقید کیتی جارہی اے۔

اپنی رائے دا اظہار کرو