368

بھارت فوج لوکاں خلاف ہتھیار بنادتی۔ اروندھتی رائے

عالمی شہرت والی لکھاری، صحافی ، انسانی حقاں دی کارکن اروندھتی رائے مطابق سیکولر بھارت اپنے ای لوکاں خلاف کئی ورھیاں توں فوج نوں ہتھیار بنا کے ورت ریہا اے۔
اروندھتی رائے انڈیا وچ انسانی حقوق دی خلاف ورزی، ہندو انتہاپسندی، مقبوضہ کشمیر وچ انسانیت مارن جوگ کارروائیاں تے اقلیتاں خلاف ہون والے ظلماں اتے آواز بلند کرن کارن دنیا وچ شہرت رکھدیاں نیں۔
عالمی پدھر اتے بھارتی سرکار دے پروپیگنڈے تے انسانی حقاں دی خلاف ورزی نوں سامنے لیاون کارن اروندھتی رائے اتے حکومت پابندیاں لاندھئ رہی اے۔
عرب نشریاتی ادارے ’گلف نیوز‘ مطابق اروندھتی رائے نے کینیڈا وچ تقریب دوران گل کردیاں آکھیا کہ بھارت نے مقبوضہ کشمیر، منی پور، ناگا لینڈ، میزورام، تلنگانہ، پنجاب، گوا تے حیدرآباد وچ اپنی فوج دے تحت جنگ جاری رکھی ہوئی اے۔

بھارت 1947 توں مقبوضہ کشمیر وچ مسلماناں، تلنگانہ وچ خصوصی قبائل تے کجھ ریاستاں تے علاقیاں وچ ہیٹھلی ذات دے ہندؤاں خلاف فوج ورتدا آیا اے۔۔

اروندھتی رائے مطابق انگریز سرکار توں آزادی ملدے ای بھارت نے اپنے ہی لوکاں خلاف طاقت کا استعمال کردیاں وڈی گنبی وچ فوجی تعینات کردتے۔
بھارتی لکھاری نے بھارت دا مقابلہ پاکستان نال کردیاں کہیا کہ سیکولر بھارت دے مقابلے گوانڈھی ملک پاکستان کدے اپنی فوج نو ں لوکاں خلاف استعمال نہیں کیتا۔
ایس بیان مگروں لکھاری نوں غداری دے طعنے دتے گئے۔

اپنی رائے دا اظہار کرو