332

بھارت، کشمیر وچ پابندیاں ہٹائے،امریکا

رپورٹ، دی ہندو

امریکی سرکار بھارت ولوں کشمیر وچ آرٹیکل 370 ختم کرکے اوس دی خاص حیثیت مکان مگروں اوتھے دی صورتحال تے شہریاں اتے پابندیاں بارے مسلسل تشویش ظاہر کیتی اے۔
واشنگٹن وچ محکمہ خارجہ دی ترجمان مورگن اورٹگس دی ہندو نوں ای میل جواب وچ آکھیا کہ امریکا نوں کشمیر وچ وڈے پدھر اتے سیاسی تے تاجر لیڈراں دی گرفتاریاں تے وادی دے شہریاں اتے لائیاں ہٹکاں بارے ڈاھڈی چنتا اے۔
ایس دے نال کشمیر وچ لوکاں نوں انٹرنیٹ، موبائل فون دی سہولتاں توں محروم رکھیا جارہیا اے۔
امریکا بھارت سرکار توں منگ کردا اے پئی انسانی حقاں دا آدر کیتا جاوے، لوکاں نوں مڈھلی سہولتاں دتی جاون، ایس دے نال کشمیر مسئلے اتے سیاسی گل بات شروع کیتی جاوے۔ وادی وچ چناو وی ویلے سر کرائے جاون۔

اپنی رائے دا اظہار کرو