303

بجلی ہور مہنگی، 1٫78 روپے فی یونٹ وادھا

اسلام آباد: قومی الیکٹرک پاور ریگولیٹری اتھارٹی (نیپرا) نے کے الیکٹرک توں ہٹ کے ساری بجلی تقسیم کار کمپنیاں نوں جولائی دے مہینے وچ ورتی گئی بجلی لئی ایندھن دی قیمتاں دی ایڈجسٹمنٹ مد وچ 1.78 روپے فی یونٹ اضافے دی اجازت دے دتی۔
نیپرا دے چیئرمین توصیف ایچ فاروقی دی صدارت ہیٹھ ہوون والی شنوائی وچ ایہہ فیصلہ کیتا گیا۔
سینٹرل پاور پرچیزنگ ایجنسی (سی پی پی اے) نے ترسیلی کمپنیاں (ڈسکوز) ولوں قیمتاں ودھاون دی درخاست دتی سی، نالے ایہہ آکھیا گیا سی کہ جولائی وچ ایندھن دی لاگت زیادہ سی جیہدے کارن اگلے مہینے صارفین توں ریکوری لئی 1.93 روپے فی یونٹ دی اجازت دتی جائے۔
نیپرا نے سی پی پی اے دی چند لاگتاں دی اجازت دیندے ہوئے 1.78 روپے فی یونٹ بجلی دی قیمت ودھاون دی اجازت دتی ، ایس نال بجلی ورتن والیاں اتے 24.60 ارب ڈالر دا وادھو بھار پووے گا، دوجے پاسے بجلی ونڈن والی کمپنیاں وادھو پیسہ ملے گا۔

اپنی رائے دا اظہار کرو