281

انڈیا دا جیش دے کیمپ تے حملے دا دعوا، پاکستان رد کردیتا

پاکستانی فوج دا آکھنا اے کے انڈیا دے جنگی جہازاں منگل دی سویرپاکستان دی فضائی حداں دی النکھنا کیتی،پاکستانی جہازاں دے اڑان بھرن مگروں بھارتی طیارے اپنا “پے لوڈ” سٹ کے چلے گئے۔
ادھر انڈیا دا آکھنا اے اوس انے اک غیرفوجی کارروائی کردیاں بالاکوٹ وچ شدت پسند تنظیم جیش محمد دے کیمپ نوں نشانہ بنایا اے۔
پاکستان فوج دے بلیارمیجر جنرل آصف غفور آکھیا کے ویلے سر کارروائی کرن باجوں بھارتی فوج دے جہاز واپس ٹرگئے۔ بی بی سی مطابق بالاکوٹ دے وڈے پلس افسر نیں امریکی خبر ایجنسی نوں دسیا جے علاقے وچ کدھرے گولہ باری یاں کسے ہلاکت دی اطلاع نئیں ملی، جس دا بھارتی سیکرٹری خارجہ دعویِ کیتا اے۔ علاقے وچ وسن والیاں تین دھماکیاں دی تصدیق کیتی،جنہاں دی واج اوہناں نوں سنائی دیتی۔ پاکستان دا آکھنا اے جے اوس علاقے وچ اجیہا کوئی کیمپ نئیں اے۔
بھارتی خارجہ سیکرٹری دا اصرار اے اوہناں پلوامہ حملے وچ شریک جیش دے مرکز نوں نشانہ بناکے کئی بندے ماردتے نیں۔

اپنی رائے دا اظہار کرو