(اسلام آباد سجن ڈیسک ( پاکستانی ڈرامے ’راہ جنون‘ ری سکرین اُتّے جھاکی مارنے آں۔
ھن اس ڈرامے وچ اِک کردار مہر ناں دی کُڑی دا اے اِس ڈرامے دے ہیرو
’ اِ س ڈرامے وچُ اپنا کردار نبھاندیاں کہندے نیں کہ جیکر تُسیں مہر دی شادی میرے نال کروانا نھیں چاہندے پر فیر تُسیں اِس دی شادی کسی ھور تھاں اُتّے نہیں کر سکدے ۔ میں مہر نال پیار کرنا ہا تہاڈی دھی نال ۔۔۔ مہر صرف میری اے بھاویں اس نُوں جان تُوں وی مارنا پیا تے ِاک سیکنڈ نہیں سوچاں گا۔‘
ایہ پاکستانی ڈرامہ ’راہ جنون‘ دے ڈائیلاگز نیں جنھو ادا کرن والا کوئی ولن نہیں بلکہ گھبر ہیرو اے۔ تُسیں آپوں فیصلہ کرو جیکر سکرین اُتّے اجیہے کردار نوں ہیرو وکھایا جائے گا جو محبت دے انکار ملن اُتّے کسی دی جان لین دا ارادہ رکھدا ہووے تے ویکھن والے جوان مرداں لیئی ایہ ھی رویہ درست تے نارمل بَندا چلا جا رھیا اے
ڈرامے دےا یہ الفاظ غالباً نہیں دہرائے گئے پر کُجھ دیہاڈے پہلاں اسلام آباد وچ اس سوچ نُوں ضرور دہرایا گیا جد 17 سالہ ثنا یوسف نُوں ایہدے اپنے گھر وچ اک جوان مُنڈے نے اس لیی گولیاں مار کے قتل کر دتّا کیونجے اوہ کئی واری انکار سن چکیا سی ۔ میری
سنسر بورڈ اگّے بنتی اے کہ اوہ ٹی وی اِتّے لفظاں دی قتل غارت بند کروائے تے اناڑیاں دے سکرپٹ ردّی دی ٹوکری دی نظر کرن تے اس گھٹیا محبت دے افسانیاں دی تھاں ریڈیکل اپروچ انسان دوست سکرپٹ پروان چڑھنے چاہیدے نیں تے باہمی رضامندی ورگی سوچ ڈرامیاں دے سکرپٹ دا حصا ھونا چاہیدا اے
