519

الیکشن کمیشن مودی دی ویب سیریز روک دتی

بھارتی الیکشن دے نگراں نیں بولی وڈ دی فلم تے وزیر اعظم دی جماعت دے ٹی وی چینلز اتے ہٹک لاون مگروں پروڈیوسرز نوں نریندر مودی اتے بنی ویب سیریز روکن دا حکم جاری کردتا اے۔
خبرایجنسی اے ایف پی دی رپورٹ مطابق دنیا دی دوجی وڈی آبادی والے ملک وچ چناو کران تے اوس دی نگرانی کرن والے آپ مختار ادارے بھارتی الیکشن کمیشن دا آکہنا اے آن لائن ویب سیریز قاعدے دی خلاف ورزی اے۔
بھارتی الیکشن دے قاعدے مطابق ووٹنگ ویلے یاں مہم دوران یاں پروپگینڈے بارے کسی وی مواد نوں چھاپن دی اجازت نئیں۔
آن لائن ویب سیریز دی اسٹریمنگ روکدے ہوئے الیکشن کمیشن دا آکہنا سی کوئی وی اجیہا مواد جیہدے نال اکو جیہا موقع ناں ملدا ہووے، اوس نوں الیکشن مکن تیکر نئیں چھاپیا جاسکدا
نریندر مودی دے نکے ہوون توں دنیا دے سبھ توں وڈے جمہوری ملک دے وزیراعظم بنن تیک پوری حیاتی اتے بنن والی فلم ویب سیریز ’مودی: جرنی آف اے کامن مین‘چلادتی۔ ایس توں پہلاں وی الیکشن کمیشن مودی اتے بنن والی فلم اتے ہٹک لائی سی۔
الیکشن کمیشن کا کہنا تھا کہ نامو ٹی وی کو اپنا تمام مواد منظوری کے لیے جمع کرانا ہوگا۔
68 سالہ ہندو قوم پرست نریندر مودی مڑ اپنی سرکار بناون لئی پورا ٹل لارہیا اے۔

اپنی رائے دا اظہار کرو