1,147

پی ایس ایل: لاہور قلندرز دی ملتان ہتھوں شکست

ملتان سلطانز نے لاہور قلندرز خلاف ٹاس جت کے پہلے فیلڈنگ دا فیصلہ کیتا۔
لاہور قلندرز ولوں فخر زمان تے کرس لین ٹیم دا کھاتا کھولیا، اوہناں پہلی وکٹ لئی 59 رنز جوڑے،کرس لین دے آؤٹ ہوون مگروں کوئی ٹک کے کھلو ناں سکیا، کپتان سہیل اختر کجھ ذمہ واری وکھائی، لہور قلندر والے وڈا ٹیچا دیون وچ ناکام رہے، متھے 20 اووراں وچ 8 وکٹاں پیچھے نرے 138 رنز بنائے، کرس لین 39 سہیل اختر 34 رناں بنائیاں۔
ملتان دے معین علی، عمران طاہر تے محمد الیاس نے 2، 2 وکٹاں حاصل کیتیاں۔
ملتان ولوں اننگز دی شروعات کپتان شان مسعود تے جیمز ونس نے کیتی۔ 24 دے سکور اتے جیمز ونس 18 رن بناکے شاہین شاہ آفریدی دا شکار بن گئے۔
معین علی 11، شان مسعود 38 تے ذیشان اشرف 4 رن بنائے، رلی روسو 32 سکور کتیے۔
شاہد آفریدی 12 گینداں اتے 21 تے خوشدل شاہ 6 رنزاں بناکے ناٹ آٓؤٹ رہے ملتان سلطانز نے 139 رنز دا ہدف 16.1 اوور وچ پورا کرلیا۔
ملتان دے لیگ سپنر عمران طاہر نوں میچ دا بہترین کھڈاری قرار دتا گیا۔

اپنی رائے دا اظہار کرو

پی ایس ایل: لاہور قلندرز دی ملتان ہتھوں شکست” ایک تبصرہ

تبصرے بند ہیں