433

عمران خان،وسیم اکرم، آل ٹائم ورلڈ کپ ٹیم داحصہ

کرکٹ دی ویب سائٹ کرک انفو نے ورلڈ کپ 2019 توں پہلاں اپنے سروے راہیں کسے وی ویلے دی آل ٹائم ورلڈ کپ الیون دا چناؤ کیتا اے،جدے وچ پاکستان دے دو پچھلے کپتان تے عالمی کرکٹر وی شریک نیں۔
رپورٹ مطابق 22 ممبری ٹیم وچ وسیم اکرم کلے کھڈاری سن جنہاں نوں شامل کیتا گیا۔
وسیم اکرم 1992 دے ورلڈ کپ فائنل وچ چنگی کارگزاری وکھائی سی، جتھے اوہناں انگلینڈ دے منےپرمنے بلے باز ایلن لیمب تے کرس لیوس نوں اگے پچھے دوگینداں تے باہر کرکے ہلچل مچادتی۔ پاکستان نوں کپ جتاکے عمران خان نے عالمی چیمپئن بنایا۔جدے پاروں اوہناں نوں آل ٹائم ٹیم وچ شریک کرلیا۔ ایس الیون وچ بھارت دا اک کھڈاری سچن ٹنڈولکر نوں تھاں ملی۔ پنج واری دے چیمپئن آسٹریلیا دے سبھ توں ودھ کھڈاری ٹیم دا حصہ بنے، اینہاں وچ ایڈم گلکرسٹ، رکی پونٹنگ، شین وارن تےگلین مک وی شامل نیں۔ ایس ٹیم وچ دوا جیہے کھڈاری وی نیں جیہڑے کدے عالمی چیمپئن ٹیم دا حصہ نئیں رہے۔ سری لنکا کمار سنگاکارتے جنوبی افریقا دے لانس کلوزنروی شریک نیں۔

اپنی رائے دا اظہار کرو