259

کالی آندھی پا کستانی کرکٹ ٹیم نوں پرواز توں ڈک دتا

اسلام آباد (ویروا ۔ زاھد اقبال بٹ )
ورلڈ کرکٹ کپ دے پھلے میچ وچ پاکستان ویسٹ انڈیز ھتھوں بھوں مندی طرحاں ھار گئی ایھ گرین شرٹ دی گیارھویں مسلسل ھار سی ۔ویسٹ انڈیز بھوں چنگی باولنگ پاروں پاکستان کرکٹ ٹیم نوں پرواز توں ڈک دتا ساری بیٹنگ لائن نوں پھڑکا کے رکھدتا اس میچ وچ انج لگ رھیا سی جیویں پاکستان دے سر کڈھویں بلے باز کالی آندھی دی باولنگ توں ڈر کے کھیڈ رے سن شارٹ پچ بال نوں کھیڈدیاں پاکستانی بلے بازاں نوں موت نظر آرھی سی انج لگ رھیا سی جیویں اوہ ٹونٹی ٹونٹی میچ کھیڈ رھے نیں سارے بلے باز بچ بچا کے کھیڈ رھے سن تے پچ توں جان چھڈاون تے ڈر نال کھیڈدیاں حفیظ نوں کھیڈدیاں تسیں تکیا ھووے گا نہ بال نوں ڈکیا تے نہ ھی کھیڈیا ، بال بیٹ دا آپوں میل ھویا تے ایہ وطیرہ پورے میچ چ سارے بلے بازاں دا صاف نظر آ رھیا سی ۔ایس میچ وچ کوچ ،مینجر ،کپتان دی منصوبا بندی سرے توں ای نظر نھیں آ رھی سی جس پاروں ایھ میچ ھتھوں نکل گیا اس میچ وچ سارے کھڈاری تھکے تھکے نظر آ رھے سن تے انج جاپدا سی جیویں میچ توں پھلاں ای ھارنوں کچھڑ چکیا اے پاکستان دے کوچ مکی آرتھر نے میچ ھارن توں بعد دروٹیا ھویا اے تے کوئی میچ ھارن بارے میڈئے نال کوئی گل بات نھیں کیتی..سٹیڈیم چ موجود پاکستانی تماشبین میچ ھارن پاروں مایوس نظر آئے .پاکستانی کرکٹ ٹیم توں آس اے کی اوہ آون والے میچ جگرے نال کھیڈے گی

اپنی رائے دا اظہار کرو