335

پی ایس ایل کھیڈن آرہیا آں، ہاشم آملہ

سابق اسٹائلش ٹیسٹ کرکٹر ہاشم آملہ دا کہنا اے کہ پاکستان سپر لیگ (پی ایس ایل) دی بوہت تعریف سنی اے، ایس وار کھیڈ کے آپ تجربہ کراں گا۔
‏ہاشم آملہ 2019 دے ورلڈ کپ وچ چنگی کارگزاری نئیں وکھاسکے۔ تے عالمی کپ مگروں اگست وچ اوہناں نیں انٹرنیشنل کرکٹ توں ریٹائر منٹ دا اعلان کر دتا سی۔
ریٹائرمنٹ مگروں ہن ہاشم آملہ دا فوکس لیگ کرکٹ اتے اے، اوہ ابوظہبی وچ ہون والی ٹی ٹین لیگ کھیڈ رہےنیں، جدکے کاؤنٹی کرکٹ لئی انگلینڈ وچ رہ رہے نیں۔
‏36 ورھیاں دے سابق جنوبی افریقی کپتان ہاشم آملہ نے کہیا کہ پاکستان سپر لیگ بارے میں بوہت کجھ سن رکھیا اے، جنہاں کھلاڑیاں نے وی پی ایس ایل وچ بھاگ لیا اے، میری اوہناں نال گل ہوئی پی ایس ایل نوں اوہناں نے شاندار آکھیا، تے لیگ دے معیار دی تعریف ای کیتی اے۔ ہن میں آپ کھیڈ کے ویکھاں گا۔

اپنی رائے دا اظہار کرو