271

ورلڈ کپ :پہلا میچ انگلینڈ،جنوبی افریقا نوں ہرادتا

انگلینڈ نے ورلڈ کپ دے افتتاحی میچ وچ اوول دے میدان وچ جنوبی افریقہ نوں 104رنز توں ہراکے ایونٹ دی پہلی کامیابی حاصل کیتی۔ جنوبی افریقہ ٹاس جت کے پہلےبولنگ دافیصلہ کیتا،میچ دی دوجی گیند تےعمران طاہر نے جونی بیئراسٹو نوں آؤٹ کردتا، ایس موقعے اتےجیسن روئے تے جو روٹ وکٹ اتےکھلوکے 107رن دی ساجھے داری نبھائی، فیردونوں کھڈاری اگےپچھے تن گینداں دے فرق توں 54 تے 51رنز دی اننگز کھیڈن مگروں پویلین ٹرگئے۔
کپتان آئن مورگن تے بین اسٹوکس دی جوڑی نے میدان سنبھالیا، تے 106 سکوراں دی شراکت کیتی۔ 8 وکٹاں دے نقصان اتے انگلینڈ 311 رن بنائے۔ جواب وچ افریقا کوئی چنگا کھیڈنہ وکھاسکیا، ہاشم آملہ آندیاں زخمی ہوگئے۔ کیونٹن کوک 68 ، وین ڈیر ڈوسن 50 سکوربنائے، پنج کھڈاری دس رنز وی نہ بناسکے۔ پوری ٹیم 40 ویں اوور وچ 207 رنز اتے ڈھیر ہوگئی۔

اپنی رائے دا اظہار کرو