255

لاہور قلندرز نوں 5رن کیوں ملے؟ قانون کیہ آکھدا؟

پاکستان سپر لیگ چوتھے سیزن دے مڈھلے میچ وچ دفاعی چیمپئن اسلام آباد یونائیٹڈ نیں لہور قلندرز نوں دل کھچویں مقابلے مگروں 5وکٹاں توں ہرادتا۔
پہلے میچ وچ ای اجوکی گل ہوگئی، جد امپائر نیں اسلام آباد یونائیٹڈ دے وکٹ کیپر لیوک رونکی دی معمولی غلطی تے لہورقلندرز نوں پنچ رن دی سزا دتی۔
ایہہ میچ دے دوجے اوور وچ ہویا جد سمیت پٹیل دی گیند اتے سہیل اختر شاٹ کھیڈکے دورن بنائے،دوہاں امپائراں رچرڈ النگ ورتھ اور رشید ریاض نے میچ روک دتا۔ اوہناں اسلام آباد خلاف 5رن دی پینالٹی ایوارڈ کردتی۔
ایہہ پنج رن ناں تے پٹیل دے کھاتے وچ گئے ناں ای سہیل اختر نوں ایس دا فائدہ ہویا۔ صرف لہور قلندر دے سکوراں وچ پنج رن ودھ گئے
قانون دی تشریح آکھدی ای جے اجیہی صورت وچ ایس گیند نوں ڈیڈ بال تے جے اوہ وائیڈ یا نوبال اتے یا ایس تے کوئی رن بندااے تے اوہ وی بیٹنگ ٹیم نوں ملے گا۔ جےبلے باز کوئی رن لیتا اے تے اوہ وی سکور دا حصہ بنن گے۔ ایس گیندنوں وی اوور دا حصہ نئیں منیا جائے گا۔

اپنی رائے دا اظہار کرو