219

شاہدآفریدی ایم کیوایم توں کیویں بچیا؟

کرکٹ دی دنیا وچ ہل چل مچان والا کھڈاری شاہدآفریدی میدان توں نکلن مگروں وی خبراں وچ اے۔اوہناں اپنی ہڈورتی کتاب گیم چینجر وچ کئی انکشاف کیتے، جتھے ساتھی کھڈاریاں بارے گلاں دسیاں۔ اوتھے ذاتی زندگی وچ کراچی دے ماحول دا ذکر کتیا۔
آفریدی دا جم پل پاکستان دے قبائلی علاقے وچ پشتون ٹبر وچ ہویا، لیکن ا وہ اپنی شناخت کراچی والے دے طوراتے کراندے نیں۔ ایس شہروچ شاہدآفریدی اپنی جوانی دے دیہاڑ بڑی خوشی نال گزارے ،اوس دور وچ شہر دی لڑائی جھگڑیاں دی وجہ نال بدنام گلی کوچیاں تے پسماندہ علاقیاں وچ مخالف گروہاں نال اٹھن بیٹھن بارے دسیا۔
آفریدی ایتھوں تیک دسیا کہ اک وارایم کیو ایم دےسخت مزاج دے لوکاں دے بوہت کول ہوگئے، کہندے شاید میرا انجام وی اوہناں جواناں ورگا ہوندا جیہڑے 1990ء دے دہاکے وچ لڑائیاں وچ مارے گئے۔ لیکن میری قسمت چنگی سی جدوں میرے وڈے بھائی نوں علم ہویا اوس مینوں اک چپیڑ ماری تے میرے ہوش ٹھکانے آگئے، شاہد آفرید ی کہندے کہ میری بھائی دے تھپڑ نیں زندگی بدل دتی۔

اپنی رائے دا اظہار کرو