216

دورھ آسٹریلیا لئی نویں کھڈاریاں سنے پاکستانی ٹیم دا اعلان:

چیف سلیکٹر اتے ہیڈ کوچ مصباح الحق نے دورہ آسٹر یلیاں لئی ٹیسٹ تے ٹی ٹوئنٹی ٹیم لئی نویں کھڑاریاں دی چون کیتی اے اس واری محمد موسیٰ، عثمان قادر، خوشدل شاہ، کاشف بھٹی تے نسیم شاہ نوں ٹیم وچ رلایا گیا اے ۔ سوموار دے دیہاڑے مصباح الحق نے آسٹریلیا وچ کھیڈے جاون والی ٹی ٹوئنٹی سیریز تے ورلڈ ٹیسٹ کرکٹ چیمپیئن شپ دے دو ٹیسٹ میچاں لئی ٹیماں دا اعلان کیتا اے ۔
اس حوالے نال حیران کرن والا انتخاب لیجنڈ لیگ سپنر عبدالقادر دے پتر عثمان قادردا اے ، مصباح الحق نے ایہ چون ایس لئی کیتی کہ ایس کھڈاری نوں ’آسٹریلیا وچ کھیڈن دا بھوں تجربا اے جس پاروں ایس کھڈاری نوں ٹی ٹوئنٹی ٹیم وچ شامل کیتا گیا۔لوئر دیر دے رھن والے نسیم شاہ دی عمر نری 16 ورھے اے جد کے اسلام آباد یونائیٹڈ ولوں پاکستان سپر لیگ وچ کھیڈن والے فاسٹ بولر محمد موسیٰ دی عمر 19 ورھے اے ۔ دونوں بولراں نوں تیکھی تے سپن باولنگ دے وجا توں سرپرائز پیکج ٹیم دا حصہ بنایا گیا اے ۔

اپنی رائے دا اظہار کرو