254

جنوبی افریقا نے سری لنکا نوں 9 وکٹاں توں شکست دے دتی

چیسٹر لی اسٹریٹ گراؤنڈ وچ پروٹیز کپتان فاف ڈوپلیسی ٹاس جت کے فیلڈنگ دافیصلہ کیتا۔میچ دی پہلی گیند تےکرونارتنے کیچ آؤٹ ہوکے پویلین ٹرگئے۔ مینڈس اور تھیسارا پریرا وکٹ اتے کھلوتے پر پوری ٹیم اننگز دے اخیری اوور 203 رنز اتے ڈھیر ہوگئی۔
سری لنکا دے 204 رنزاں دے ٹیچے نوں پورا کرن لئی جنوبی افریقا بلے بازی دی چنگی شروعات نئیں کیتی۔ 31 اسکور اتے ڈی کوک 15 رنز بناکے ملنگا ہتھوں بولڈہوگئے۔
دوجی وکٹ دی ساجھے داری وچ ڈوپلیسی تے ہاشم آملہ ذمہ داری نال بلے بازی کیتی، دوہاں رل کے 175 رنزجوڑے۔ تے ٹیم نوں 38 ویں اوور وچ اک وکٹ دے نقصان اتے کامیاب کرادتا۔ ڈوپلیسی 96 تے ہاشم آملہ 80 رنزبنائے۔

ورلڈکپ وچ آسٹریلیا 12 پوائنٹاں نال پہلے، بھارت تےنیوزی لینڈ 11، 11 پوائنٹ نال دوجے تے تیجے جد کہ میزبان انگلینڈ 8 پوائنٹ نال چوتھے نمبراتے آگئے۔ بنگلہ دیش تےپاکستان 7، 7 پوائنٹس نال 5 ویں تے چھیویں نمبراتےموجود نیں۔

اپنی رائے دا اظہار کرو