349

جت دی گارنٹی نئیں،چنگا کھیڈاں گے

قومی کرکٹ ٹیم دےہیڈ کوچ مکی آرتھر داآکھنا اے ورلڈ کپ جتن دی گارنٹی نئیں دے سکدے،ہاں کھڈاری چنگا کھیڈن گے۔ ولایت دے دورے توں پہلاں ہیڈکوچ تے کپتان سرفراز لہور وچ میڈیا نال گل بات کررہے سن۔
مکی آرتھر آکھیا ساڈا ٹیچا چنگی چار ٹیماں ٹاپ فور تیک اپڑنا ہووے گا۔ سانوں 10 میچ چنگے کھیڈنے ہوون گے۔ ٹیم وچ جیتن دی صلاحیت اے۔ محمد حفیظ تےشعیب ملک دی بولنگ تے پورا وسا اے، اوہناں دے رول مطابق کم لواں گے۔
مکی آرتھر بابراعظم، یاسر شاہ، عثمان شنواری،شاہین آفریدی دی کارکردگی توں وی مطمئن سن۔
کپتان سرفراز احمد آکھیا ٹیم دی تیاری چنگی اے۔ کیمپ وچ کھڈاریاں ودھ محنت کیتی۔ اسیں پوری تیاری نال ورلڈ کپ لئے جارہے آں،جتھے 100 فیصد پرفارمنس دیواں گے۔ اوہناں آکھیا، اسیں بیٹنگ آرڈر بدل دتا اے،شعیب ملک چھویں نمبراتے بلے بازی کرن گے۔
سرفراز احمد دا آکھنا سی، ٹیم وچ کوئی اک ٹرمپ کارڈ نئیں،سبھے کھڈاری میچ جتاون دی صلاحیت رکھدے نیں۔

اپنی رائے دا اظہار کرو