امریکی رسالے ٹائمز دی رپورٹ وچ بھارتی وزیراعظم نریندر مودی نوں بھارت دی تقسیم دا ذمہ وار قراردے دتا۔ اپنے ساری دنیا وچ چھپن والے رسالے دے پہلے ورقے اتے مودی دی تصویر وی لائی اے۔ سٹوری وچ سوال چکیاگیا کہ کیہ دنیا دی سبھ توں وڈی جمہوریت مودی دے پنج ورھیاں دی اک ہورسرکار سہار لے گی؟
ٹائمز میگزین نے 2015 وچ سٹوری مودی کیوں معنی رکھدا اے، وچ آکھیا گیاسی بھارتی کھاندے پیندے طبقے نوں پک اے بھارت اک آزادخیال نالے اک کئی رہتلاں دا ایکا اے، جدکے حقیقت ایہہ وے پئی بھارت مذہبی قوم پرستی، مسلم مخالف جذبے تے ڈاھڈی نسلی بھیدبھاؤ والی اک دیگ اے۔ زنانیاں دے مسلیاں مودی دے ریکارڈ نوں داغ دار کردتا۔
مضمون وچ دسیا پئی مودی دا معاشی معجزہ ناصرف عملی شکل وچ آندے ناکام ہوگیا، سگوں اوہناں مذہبی قوم پرستی دی فضا پیدا کرن وچ مدد کیتی۔ مڈھلی قدراں تے انسانیت وچ وگاڑ آون مگروں مودی سماج وچ کشیدگی نوں ہور قابو نئیں کرسکدے۔
754
