817

ماں پالے نال ٹھر کے مر گئی ، دھی دا ناں رضائی

لکھاری
زاھد اقبال بٹ
اسیں اجیھے ملک وچ رھنے آن جتھے اجے تائیں کم چلائو قنون ،کاڈھ کڈھن وا لا ویھار ، لوکاں دی محنت نوں وڈ ٹک کے اپنے کھاتیاں چاڑھن داوطیرھ تے ماڑے لوکاں نوں دابے وچ رکھن والا قنون اجے تائیں سانوں بھکیاں تے بےوساھی نظراں نال گھوریا پا رھیا اے۔ملک وچ پلس لوکاں دی حفاظت تے نا انصافیاں ڈکن واسطے بنائی جاندی اے تاں جے لوکیں سکھ چین نال حیاتی گزار سکن تے جرائم پیشھ ڈ کیتاں دے دھرو تے ات گردی توں مھفوظ رھ سکن..آزادی توں لے کے ھن تک پلس دا جو کدار رھیا اے اوھ سب دے ساھمنے اے .ملک دے زورآور لو کیں تے معاشی ڈکیت ساڈے سماج نوں اپنےوارے وچ دھکے شاھی طریقیاں نال چلارے نیں تے 80 فے فیصد لوکاں دا کوئی حال نئیں تے دوجے پاسے لوکاں دا تھا نیاں کولوں لنگھناں کسے خطرے توں خالی نھیں سمجھدے. کیونجے پلس گردی توں بچا بچا واقف اے۔ملک دی ستر ،اسسی فی ّصد آبادی پنڈاں وچ اپنے اپنے کھیتر وچ رجھے نیں تے بچدی آبادی شھراں وچ موجود اے ۔کوئی وی ماملا یاں واردات ھو جاوے تے اوھدی قنونی پچھ گچھ لئی ٹائمنگ بھت matter کر دی اے ۔ایھ واردات مار کٹن دی ھووے ،سوانیاں نال دھرو یاں سوانیاں ،بالاں نال جنسی زیادتی دی ھووے ،پن چھان لئی ویلے سر واردات دی تھاں اپڑنا کم رکھدا اے تاں جے موقع واردات توں شھاد تاں اکھٹیاں کیتیاں جا سکن تے وارداتیاں نوں اونھاں دے کیتے دی سزا مل سکے پر ایتھے قنونی چارھ جوئی کرن لئی سارے ملک وچ کجھ فاصلیاں اتے تھانے سرے توں موجود ای نئیں جیکر پنڈاں تھاواں وچ کدھرے کدھرے موجود وی ھوون تے پلس داسیکل تے اوس واردات دی تھاں اتے ویلے سر اپڑنا بھوں مشکل اے ۔ جے وچارا جاگیر دار دی حامی بھرن مگروں اپڑ وی جاوے تے اوھ جنازے وچ شرکت کرن مگروں وڈیرے دی “ویگو ” سیکل سمیت واپسی اپڑ کے بس اوھ پلسیاں نوں دس پائوندا اے کھ جنازھ بڑا دڈا سی تے مرن والا اپنی موت آپ مر گیا. سوچن والی گل ایھ اے کھ جتھے پلس بےوس ،لولی لنگڑی ھووے تے ریاست دے قنونی ماملے 2019 (سنھ انھی ) ڈکیتاں دے ھتھی چڑ ھے ھوون، گدھا گاڑی ، سیکل تے شھتوت دی سوٹی نال چل رھے ھوون اوتھے جدید ترقی نوں ساڑھناں اے اک کھاوت اے کھ ” ماں پالے نال ٹھر کے مر گئی تے دھی دا ناں رضائی “۔۔۔۔۔۔۔۔

اپنی رائے دا اظہار کرو