کراچی(سجن رپورٹ)انٹر بینک مارکیٹ وچ ڈالر دے مقابلے روپے دی قدروچ گھاٹے دا رحجان برقرار اے تے ڈالر دا مُل اک روپے 40 پیسے اضافے نال ایک سو 51 روپے ہوگئی۔
دوجے پاسے اوپن مارکیٹ وچ پہلی واری ڈالر 50 پیسے مہنگا ہوکے اک سو 50 روپے دا ہوگیا۔
کرنسی ڈیلراں دسیا کہ کمرشل بینکاں ولوں منگل نوں اک وار فیر ڈالر دی خریداری کیتی گئی، جدے کارن انٹر بینک مارکیٹ وچ ڈالر دی منگ ودھی تے ڈالر مہنگا ہواگیا۔
فوریکس ایسوسی ایشن کے چیئرمین ملک بوستان داآکھنا سی، ایس مہینے دے اخیر وچ ہرورھے باہرلے ملکاں توں پاکستانی رقماں گھلدے نیں۔ کیوں جے اوہ عید تے اپنے پیاریاں نوں پیسے گھل دے نیں ۔ جے اسٹیٹ بینک انٹر بینک مارکیٹ نوں اک ہفتے وی کنٹرول وچ رکھے تاں ڈالر دی قیمت تھلے آسکدی اے۔
648
