680

100 ورھیاں مگروں معافی دی منگ

13 اپریل 1919 نوں امرتسر دے جلیانوالہ باغ وچ انگریز سرکار دی جنرل ڈائر جیویں آزادی دے متوالیاں نوں گولیاں نال چھلنی کردتا تے اوتھے لاشاں دے ڈھیر لادتے۔ اوس نوں ایک سو ورھے لنگھن مگروں وی کوئی نئیں بھلیا، بھارت دے لوکاں دی اج وی منگ اے پئی برطانیہ سرکار ایس قتلام اتے معافی منگے۔
برطانیہ دی لیبرپارٹی دے آگو وی پارلیمنٹ وچ تقریر کردیاں آکھیا پئی ایس شرم دوان والے واقعے اتے سانوں معافی منگنی چاہیدی اے۔
1920 وچ پارلیمنٹ نال گل کردیاں سیکرٹری خارجہ ونسٹن چرچل ایس کارروائی دی نندیا کیتی سی، اوس ویلے وی جنرل ڈائر نوں گورے لیڈراں اپنا ہیرو بنالیا سی۔
وزیر اطلاعات فواد چوہدری وی اک ٹویٹ راہیں ایس معافی دی منگ دی حمایت کیتی اے۔ اوہناں آکھِا کے جلیانوالہ باغ قتلام تے بنگال دے سوکھے اتے پاکستان، انڈیا تے بنگلہ دیش توں معافی منگی جاوے۔

اپنی رائے دا اظہار کرو