یوٹیلیٹی سٹوراں اتے مہنگائی دا نواں ھڑہ آگیا، تیل تے گھیو دو مھینیاں وچ تن واری مھنگا

اسلام آباد ڈیسک: (سجن خبر 19 فروری) یوٹیلیٹی سٹوراں اتے مہنگائی دا نواں ھڑہ آگیا۔۔ تیل 73 روپے لٹر تے گھیو 48 روپے کلو مہنگا کر دتا گیا۔ پچھلے مھینے وی یوٹیلیٹی سٹوراں اتے کوکنگ آئل تے گھیو 27 روپے تائیں مھنگا کیتا گیا سی ۔ چیتے رھوے کہ یوٹیلیٹی سٹوراں اتے تیل تے گھیو دو مھینیاں وچ تیجی واری مہنگا کر دتا گیا جس دا نوٹیفکیشن وی جاری کر دتا گیا اے ۔