امریکا سنے دنیا ترقی کرن والے ملک وی کورونا نال نبڑن وچ ناکام ہوگئے۔ اٹلی، اسپین، فرانس تے برطانیہ وچ اک دیہاڑ وران 700 توں بندے مارے گئے۔
امریکا وچ وی اک دیہاڑ وچ 46 موتاں مگروں ہن تائیں 155 ہوگئی جدکہ 9 ہزار توں ودھ بندے روگی بن گئے، جنہاں وچ کانگرس دے رکن وی شامل نیں۔
کورونا وائرس توں متاثرہ بندیاں نال ملاقات کرن پاروں اک درجن توں ودھ کانگرس دے ممبر قرنطینہ وچ چلےگئے نیں۔
امریکا کینیڈا سرحد غیر ضروری سفر لئی بند کر دتی گئی اے جد کہ برطانیہ وچ حفاظت خاطر 20 ہزار فوجیاں نوں تیار رہن دا حکم دے دتا گیا اے۔
اکو دیہاڑ وچ 33 بندے کورونا کارن مرن مگروں لندن شہرنوں لاک ڈاؤن کیتے جاون دا امکان اے۔
برطانیہ وچ سکول اج توں بند کردتے گئے جدکے مسیتاں نے مسلمانوں توں بینتی کیتی اے پئی نماز جمعہ گھراں وچ پڑھو۔
352
