389

کشمیر دی حیثیت تبدیل: پاکستان کیہ کرسکدا اے؟

رپورٹ، بی بی سی
انڈیا ولوں کشمیر دی ریاست دی خصوصی حیثیت نوں بدلن تے اوس نوں دو حصیاں وچ ونڈن دا فیصلہ کیتا اے ایہہ پاکستان نوں کس طرح متاثر کرسکدا اے؟ پاکستان کول ہن کیہ آپشنز نیں تے کہہ اوہ انڈیا نوں کشمیر وچ من مانی کرن توں روک سکے گا؟ کی کشمیر پیدا ہون والی صورتحال دا افغانستان وچ قیام امن دی تازہ کوششاں نال کوئی تعلق اے؟ اینہاں سوالاں دے جواب جانن دی دو سابق سیکرٹری خارجہ شمشاد احمد تے نجم الدین شیخ نال گل بات وچ بی بی سی کوشش کیتی۔
’ایہہ انڈیا دا صدر ٹرمپ نوں جواب اے‘
انڈیا نے کشمیر وچ جو کجھ وی کیتا اے، اوہدے نال اوس دا اپنا گھناؤنا چہرہ سامنے آیا اے۔ اوہ پچھلے دس ورھیاں توں ایس دی تیاری کر رہیا سی۔
جدوں صدر ٹرمپ نے ثالثی دی پیشکش کیتی سی تاں مبصرین آکھیا سی پاکستان نوں بوہتا خوش ہوون دی لوڑ نئیں اے۔ انڈیا ولوں کشمیر دی خصوصی حیثیت ختم کرن دی کارروائی اصل وچ صدر ٹرمپ نوں جواب اے۔
انڈیا وچ ایس ویلے اوہو سوچ اے جو پاکستان خلاف سی۔ بدقسمتی پاکستان وچ ناکام حکمرانی دے جیہڑے دور گزرے اوہناں نال انڈیا دا ہور ہلہ شیری ملی اے۔
کشمی مسئلے اتے پاکستان ہمیش حق اتے سی تے ہن وی اے۔ پاکستان دی سرکار نے اک منٹ وی ضائع کیتے بنا اوہ پیر پٹنے شروع کردتے جنہاں دی وی لوڑ پئی۔ پاکستان نے اقوام متحدہ تے او آئی سی نوں چٹھیاں گھلیاں تے دنیا دی طاقتاں نوں ایس بارے جانکاری دتی اے۔
سبھ جان دے نیں ہن اقوام متحدہ کناکو فیدہ پہنچان والا ادارہ رہ گیا اے۔ حقیقت وچ اوہ اپنے چارٹر تحت اپنی ذمہ داریاں وی پوری نئیں کرپاندا، ہاں اپنی قرارداداں دا محافظ ضروری اے۔ ایس لئی پاکستان نوں اقوام متحدہ دے بوہے اتے کنڈی کھڑکانی پئے گی۔
ہن اقوام متحدہ لئی لازم اے کہ اوہ انڈیا نوں روکے۔ انڈیا نے کشمیر بارے جو فیصلے کیتے نیں، اوس نال کشمیر متعلق اقوام متحدہ دی قرارداداں اتے کوئی اثر نئیں پیندا۔ سانوں آس اے کہ اکمٹھ قوماں دی تنظیم یواین او اجیہے پیر پٹے گا جیہدے نال نریندر مودی نوں لگام پائی جاسکے گی ۔
نریندر مودی نے اپنی بیمار ذہنیت دا مظاہرہ کیتا اے تے اوس نوں معلوم نئیں جے صورتحال ہتھوں نکل گئی تاں کشمیر اج اک نیوکلیئر فلیش پوائنٹ اے۔
2008 وچ صدر اوباما صدارتی امیدوار دی حیثیت آکھیا سی امریکہ نوں افغانستان وچ اپنے مقصد حاصل کرن لئی پاکستان دی مدد دی لوڑ اے تے اوہ مسئلہ کشمیر حل کرانا چاہوے گے لیکن صدر بنن مگروں ممبئی دا واقعہ ہو گیا فیر کشمیر صدر اوباما دی ڈکشنری توں غائب ہو گیا۔ ایس توں اندازہ کیتا جاسکدا اے کہ ممبئی حملے کس نے انجنیئر کرائے سن تے ایس دا فیدہ کس نوں ہویا ہووے گا۔جدوں ٹرمپ نے کشمیر وچ وچولا بنن دی پیشکش کیتی تاں اوس ویلے ای ایہہ گل ننگی ہوگئی کہ انڈیا کشمیر وچ کجھ وڈا کم پائے گا۔ہن صورتحال سامنے آ چکی اے، پاکستان نوں غیر ذمہ داری دا مظاہرہ نئیں کرنا چاہیدا۔
پاکستان نوں جانکاری اے کہ انڈیا نے جو کجھ کیتا اے ایس دی قنونی بنیاداں مضبوط نئیں ہن۔ کشمیر مسئلہ اک عالمی تنازعہ اے، اقوام متحدہ دی قرارداداں موجود نیں ، پاکستان تے انڈیا وچکار ہوون والے سارے معاہدیاں وچ وی ایہدا بار بار ذکر اے۔ جد انڈیا پاکستان نال کوئی گل نئیں وی کردا سی اوہدوں وی کہیا جاندا کہ اوہ شملہ معاہدے اتے قائم نیں۔
پاکستان اپنے دوستاں نال مل کے مسئلہ کشمیر دی عالمی حیثیت نوں برقرار رکھن دی کوشش کرے گا۔

اپنی رائے دا اظہار کرو

کشمیر دی حیثیت تبدیل: پاکستان کیہ کرسکدا اے؟” ایک تبصرہ

  1. PAKISTAN SAREY JAG DE DESHAN WICH INDIAN DHAR JEHR BEQANOONI TE BEAYEENI JE
    BANA SAKDA HAE .KE BRAY LOKAI DI RAE . LKHN PKISTANI KASHMIRIYA N LAE RAE AAM BANVAN DI TEHREEK CHALA SAKDAY HAEN -ES WICH GHAIR MUSLIMAN NOO SHAMI KARNA HOGA.

تبصرے بند ہیں