لاہور: وفاقی تے پنجاب سرکار نے اقوامِ متحدہ (یو این) ولوں کالعدم قرار دتی گئی تنظیماں دے ہور اثاثے لبھن مگروں اوہناں نوں ضبط کرنا دا فیصلہ کرلیا اے۔
ایس بارے دسیا جاندا اے کہ کم نہ کرن والیاں یا غیر رجسڑڈ فلاحی تنظیماں این پی او خلاف وی کارروائی عمل وچ لیاندی جاوے گی۔
اک سرکاری افسر دسیا پئی رجسٹرڈ فلاحی تنظیماں دے کم تے اثاثیاں دی چھان بین کیتی جاوے گی۔ تاں جے قومی مفاد نوں نقصان اپڑان تے عالمی ادارے ولوں ہٹک لائیاں سرگرمیاں دی نشاندہی کیتی جاسکے۔
ایہہ فیصلہ صوبائی محکمہ داخلہ وچ اک اچ پدھری بیٹھک وچ کیتا گیا، جیہدے وچ خارجہ وزارت دے دہشت گردی روک دے ڈائریکٹر جنرل احمد فاروق نے کالعدم تنظیماں تے اوس دے ممبراں اتے اقوامِ متحدہ دی سلامتی کونسل دی قرارداد 1267 تحت پابندی حوالے بریفنگ دتی گئی۔
337
