پاکستان فوجی خرچیاں والے 20 ملکاں وچ شامل

عالمی ادارے دی رپورٹ مطابق پاکستان 2018 وچ 11ارب 40 کروڑ ڈالر ملٹری خرچےکرکے دنیا دے پہلے 20 ملکاں وچ شامل ہوگیا۔
سویڈین کے انسٹیٹیوٹ اسٹاک ہالم انٹرنیشنل پیس ریسرچ انسٹیٹیوٹ (اسپری)دی رپورٹ وچ دسیا پئی 2018 وچ پاکستان دی جی ڈی پی دا،4 فیصد حصہ فوجی خرچیاں اتے کیتا، جو 2004 مگروں سبھ توں ودھ اے۔
رپورٹ دسیا پاکستان دے فوجی خرچےجی ڈی پی داحصہ ہن، ایس حوالے نال پاکستان دنیا دے پہلے 10 ملکاں وچ شامل اے۔ رپورٹ دسیا پاکستان دے ملٹری خرچے 2009 توں ہرورھے ودھدا جارہیا اے تے 2008 توں 2009 وچکار 73 فیصد ودھا ہویا، ایسے طرحاں 2017 تے 2018 دوران 11 فیصد وادھا ہویا۔
دنیا وچ امریکا سبھ توں اگے جیہڑا ہر ورھے 649 ارب ڈالر خرچ کردا اے، امریکی فوجی خرچے وچ لنگھی اک دہائی دوران 17 فیصد کمی آئی اے۔ امریکا توں بعد چین تےسعودی عرب دا نمبرآوندا اے، جیہڑے 250 ارب ڈالر تے 67 ارب 60 کروڑ ڈالر خرچے ہوندے نیں۔
فوجی خرچیاں وچ چوتھے نمبراتے بھارت جیہڑا 66 ارب 50 کروڑ ڈالرکردا،اوہدے خرچے فرانس، روس تےجرمنی ورگے ملکاں توں وی ودھ نیں۔ بھارتی خرچے پاکستان توں چھ گنا ودھ نیں۔