374

نواں بجٹ آ گیا، ٹیکساں چ وادھا، کھان پین آلیاں شیواں مہنگیاں

اسلام آباد (سجن رپورٹ) وفاقی سرکار نے مالی ورھے 2019۔ 20 لئی 7022 ارب روپے دا بجٹ پیش کر دِتا۔ کُل آمدن دا اندازہ 6717 ارب روپے لایا گیائے جیہدے وچ ایف بی آر دی ٹیکس آمدن 5550 ارب روپے مِتھی گئی اے۔ ریونیو دے وزیر مملکت حماد اظہر نے قومی اسمبلی چ اگلے مالی ورھے دا بجٹ پیش کر دیاں آکھیا کہ وزیر اعظم عمران خان دی آگوائی چ اِک نواں سفر شروع ہو گیا اے۔ تحریک انصاف نویں وچار، نواں عزم تے اِک نواں پاکستان لیائی اے، ہُن ویلا اے لوکاں دی حیاتی بدلن دا، اداریاں چ میرٹ لیاؤن تے کرپشن مکاؤن دا۔ اوہناں آکھیا کہ اَسیں سبھ ایس ملک تے آئین دے راکھے آں، ایس حکومت دے اقتدار چ آؤن ویلے ملک دے معاشی حالات نوں یاد رکھیا جائے۔

بجٹ دے اُچیچے نکتے:

کّل حجم 7022 ارب روپے۔
مالی گھاٹے دا اندازہ 3 ہزار 137 ارب روپے۔
وفاقی آمدنی دا ٹیوا 6 ہزار 717 ارب روپے۔
ترقیاتی بجٹ لئی 1800 ارب روپے رکھے گئے نیں۔
دیامر بھاشا ڈیم لئی 20 ارب روپے رکھے گئے نیں۔
داسو ہائیڈرو منصوبے لئی 55 تے مہمند ڈیم لئی 15 ارب روپے۔
ایف بی آر دی ریونیو آمدن 5 ہزار 550 ارب روپے دا ٹیچا مقرر کیتا گیائے۔
جی ایس ٹی دی شرح 17 فیصد برقرار رکھن دا فیصلہ۔
اعلیٰ تعلیم لئی 43 ارب روپے رکھے گئے نیں۔
زرعی شعبے لئی 12 ارب روپے۔
کراچی دے 9 ترقیاتی منصوبیاں لئی 45.5 ارب روپے۔
دفاعی بجٹ 1150 ارب روپے۔
پینشن اِچ 10 فیصد وادھا۔
وفاقی کابینہ دے ارکان دی تنخواہ 10 فیصد گھٹ کر دِتی گئی۔
مزدور دی گھٹو گھٹ تنخواہ 17 ہزار 500 روپے۔
گریڈ اک توں 16 تائیں سرکاری ملازماں دی تنخاواں وچ 10 فیصد ایڈہاک وادھا۔
بینظیر انکم سپورٹ پروگرام دا وظیفہ ودھا کے 5500 روپے کر دِتا گیا۔
خشک دودھ، پنیر، کریم اُتے 10 فیصد درآمدی ڈیوٹی لاگو۔
چینی، کوکنگ آئل، گھی، مشروبات، سگریٹ تے سی این جی مہنگی ہو گئی۔

اپنی رائے دا اظہار کرو

نواں بجٹ آ گیا، ٹیکساں چ وادھا، کھان پین آلیاں شیواں مہنگیاں” ایک تبصرہ

تبصرے بند ہیں