پاکستان مسلم لیگ (ن)دی نائب صدراورپارٹی قائدنواز شریف دی دھی مریم نواز نے میثاق معیشت دی مخالفت کردتی تے اوس نوں مذاق قرار دتا اپنی تے اپنےچاچے شہباز شریف دی رائے وچ اختلاف نوں من لیا۔
لہور پریس کانفرنس کردیاں مریم نواز دا میثاق معیشت بارے آکھنا سی، شہباز شریف تے اوہناں دی رائے وکھری اے۔ میری نظر وچ ایہہ مذاق معیشت اے۔
اپوزیشن دا میثاق معیشت کرنا عمران خان توں این آر او لین برابر اے۔ جداوہناں توں پچھیا گیا کہ نواز شریف میثاق معیشت دے حامی نیں، مریم نواز آکھیا،سابق وزیراعظم حامی نئیں،اوہ چاہندے نیں، اپوزیشن سرکار دی ایس بارے حمایت ناں کرے۔
مریم نواز نے قرضیاں اتے حکومتی کمیشن وچ پیش ہوون دی مخالفت وی کردتی۔
اوہناں وزیر اعظم عمران خان نوں ‘چھوٹا بندہ آکھیا تے سرکار نوں جعلی حکومت’ قرار دتا۔
سابق وزیراعظم دی صحت بارے اوہناں دسیا کہ نواز شریف نوں 3 وار دل دے دورے پے چکے نیں،جیہدے وچ دو لنگھے پندراں ورھیاں دوران آئے۔
سابق وزیراعظم نوں اڈیالہ جیل وچ قید دوران دل دا دورہ پین بارے اوہناں نوں جانکاری نئیں دتی گئی۔
مریم نواز نے آکھیا کہ ایہہ پاکستان اے مصر نئیں تے ناں ای نواز شریف نوں مُرسی بنن دیواں گے۔
376
