413

مولانا پلان بدل لیا، 31 اکتوبر نوں اسلام آباد وڑن گے

جمعیت علمائے اسلام (ف) دے امیر مولانا فضل الرحمن دا کہنا اے کہ ‘آزادی مارچ’ ہن 31 اکتوبر نوں اسلام آباد داخل ہووے گا جدکہ 27 اکتوبر نوں کشمیریاں نال ایکا کردیاں ‘یوم سیاہ’ مناون گے۔
اسلام آباد وچ صحافیاں نال گل بات کردیاں مولانا فضل الرحمٰن دا کہنا سی کہ 27 اکتوبر نوں ملک بھر وچ کشمیریاں نال یکجہتی لئی یوم سیاہ منایاجائے گا۔ ایس دیہاڑ ریلیاں کڈھیاں جاون گئیاں، یوم سیاہ مگروں جمعیت دے کامے اسلام آباد ول مارچ شروع کرن گے۔
اوہناں آکھیا کہ دراڈے علاقیاں دے کامے 27 اکتوبر نوں ای اسلام آباد دا سفر شروع کر دیون گے، جدکہ اسلام آباد دے لاگے علاقیاں دے کارکن یوم سیاہ منا کے واپس ٹرجاون گے جدے مگروں فیر توں 31 اکتوبر نوں اسلام آباد آون گے۔

اپنی رائے دا اظہار کرو