مودی دا نواں حملہ

بھارتی پردھان منتری نریندر مودی آکھیا کہ اوہناں دے ملک دی ذمہ واری بندی اے پئی اوہ پاکستان توں نس کے آون والے ہندو، سکھ تے مسیحی لوکاں دی راکھی کیتی جاوے، جمعرات نوں شہریت دی ترمیم بل دی مخالف اپوزیشن کانگرس تے اوہدی اتحادی جماعتاں اتے کرڑی تنقید کردیاں مودی آکھیا کہ ایہہ ساری جماعتاں پاکستان وچ ظلم دا شکار اقلیتاں نوں بھارت وچ کسے قسم دی سہولت دیوں دی مخالفت کررہیاں نیں۔ اک تقریب وچ تقریر کردیا وزیراعظم مودی دا اکھنا سی کہ پاکستان دی بنیاد مذہب اتے رکھی گئی سی،ایس کارن اوتھے اقلیتاں ہندو، سکھ، جین تے کرسچن خلاف کارروائیاں ودھ رہیاں نیں۔ ایس ساری صورتحال وچ کانگرس تے اوہدے اتحادی پاکستان خلاف کوئی گل نئیں کردے، سگوں اوہ ساری رل کے ملک بھر وچ ریلیاں تے جلوس کڈھ رہے نیں۔
میڈیا رپورٹ مطابق مودی اپنی نویں سکیم دا مونہہ پاکستان ول موڑ لیا اے، اوس مسلماناں خلاف بنائے قنون نوں پاکستان خلاف ورتن دی لہر شروع کردتی اے۔ اپوزیشن دی جماعتاں ، سیکولر تنظیماں دے وکھالیاں نوں وی پاکستان دی حمایت قرار دتا جارہیا اے۔ سرکار اپنی نویں ترمیم دے حمایت حاصل کرن وچ ہالے تائیں ناکام وکھائی دیندی اے۔