461

لہور داتا صاحب باہر دھماکہ 10 بندے شہید 25 زخمی

4 لہور (سجن رپورٹ) سویرے پونے 9 وجے داتا دربار دے گیٹ نمبر دو اگے دھماکا ہویا، جیہدے کارن اوتھے کھلوتی پولیس ایلیٹ فورس دی موبائل دے پنج اہلکار تے 5 راہ لنگھن والے شہید ہوگئے۔ ریسکیو دی ٹیماں موقعے اتے اپڑگئیاں۔ جیہناں بوہتے زخمیاں وچوں 15 نوں مئو ہسپتال دی ایمرجنسی وچ لیجایا گیا

پولیس افسر کہندے پئے نیں کہ ایہہ اک خودکش حملہ سی تے حملہ کرن والے دے جسم دے حصے موقعے توں ملے نیں۔ دھماکے مگروں مئو ہسپتال وچ ایم ایس نے ایمرجنسی لادتی گئی، علاقے وچ موجود اک پولیس اہلکار نے نیوز کیمرے دے سامنے دسیا کہ دھماکہ ڈھڈا سی کہ اوس نے 25 توں زیادہ بندے فورا” زمین تے ڈگدے ویکھے۔ مئو ہسپتال دے ڈاکٹراں تصدیق کیتی اے کہ داتا دربار توں 19 زخمی لیاندے گئے

ائی جی پنجاب دسیا پئی ست کلو دھماکا کرن والا مود دہشت گردی وچ ورتیاگیا، عارف نواز دا آکھنا اے پئِی ایس حملے وچ پلس نوں ٹارگٹ بنایا گیا سی۔
ایس توں پہلاں ڈی آئی جی آپریشن محمد اشفاق نے دسیا پئی ایس دھماکے دی پہلاں توں کوئی اطلاع نئیں سی، دہشت گردی دے ایس واقعے مگروں داتا صاحب داخلہ بند کردتا گیا۔ جیہڑے لوک اندر سن اوہناں نوں وی باہر کڈلیا گیا اے۔

اپنی رائے دا اظہار کرو