اسلام آباد دے ڈپٹی کمشنر مطابق دارالحکومت وچ پشتون تحفظ موومنٹ دے رہنما منظور پشتین دی گرفتاری خلاف احتجاج کرن والے مظاہرین اتے انسدادِ دہشت گردی تے بغاوت دے الزام وچ درج مقدمے ختم کر دتے گئے نیں۔
ڈپٹی کمشنر حمزہ شفقات نے ایہہ گل اسلام آباد ہائی کورٹ وچ ایہناں گرفتاریاں خلاف دائر درخاست دی سنوائی دوران عدالت نوں دسی۔
بی بی سی مطابق چیف جسٹس اطہر من اللہ اتے مشتمل اک ممبری بینچ نے پیر نوں ایہہ مقدمے درج کرن والے افسر نوں طلب کیتا سی، لیکن سنوائی توں پہلاں ای ڈپٹی کمشنر عدالت وچ پیش ہوئے تے دسیا کہ گرفتار کیتے گئے بندیاں خلاف درج مقدمے ختم کردتے گئے نیں۔
چیف جسٹس دا آکھنا سی ’25 بندیاں دے احتجاج نال کسے نوں کجھ نئیں ہوندا۔ ناں ریاست ناں عدلیہ اینی کمزور اے کہ کسے دے کہن اتے اوہناں نوں کوئی فرق پیندا اے۔
497
