تہران (نمائندہ سجن) وزیراعظم عمران خان ایران دا 2 روزہ دورہ کر رہے نیں، تہران اَپڑ کے سبھ توں پہلاں اوہناں ایرانی صدر حسن روحانی نال ملاقات کیتی۔ دوہاں سربراہواں وچکار ہوون آلی ملاقات چ دہشت گردی نال نبڑن لئی آپسی ہتھ ونڈاون دے ماملے اُتے تفصیلی گل بات کیتی گئی۔ وزیرِاعظم عمران ہوراں دا آکھنا سی پئی پاکستان کسے نوں وی آپنی سرزمین دہشت گردی لئی نئیں ورتن دے گا اَتے اَسانوں ایران توں وی ایہو آس اے۔ عمران خان نے ایرانی تاجراں نال وی بیٹھک کیتی جیہدے وچ اوہناں ایرانی بزنس کمیونٹی نوں پاکستان وچ سرمایہ کاری دی دعوت دتی۔ وزیراعظم دے ایس دورے دا مقصد علاقے دی سیاست وچ ایران دی حمایت منگنا تے اوہنوں بھارت دے اثر توں باہر کڈھنا اے۔
416
