علیم خان دی لہور ہائیکورٹ توں ضمانت تے رہائی

لہور (سجن رپورٹ) پنجاب دے سابق وزیر بلدیات تے تحریک انصاف دے اہم رہنما علیم خان دی لہور ہائی کورٹ نے نیب دے مقدمہ وچ ضمانت دی درخواست منظور کر کے اوہناں نوں رہا کرن دا حکم دے دِتا۔ علیم خان قانونی ذریعاں توں وَدھ جائیداد بناون اُتے نیب مقدمے وچ گرفتار سن۔ ضمانت دی درخواست جسٹس باقر نجفی تے جسٹس سردار احمد نعیم نے سُنی۔ نیب نے فروری وچ علیم خان نوں گرفتار کیتا سی۔