415

عافیہ صدیقی پاکستان نئیں آنا چاہندی

وزارت خارجہ دے بلیار ڈاکٹر محمدفیصل آکھیا اے امریکا وچ قید ڈاکٹرعافیہ صدیقی ’پاکستان نئیں آنا چاہندی‘ اوہناں دی واپسی متعلق رپورٹاں نری افواہاں نیں۔
برطانوی نشریاتی ادارے نوں انٹرویو دیندے اوہناں آکھیا کہ میری جانکاری مطابق ڈاکٹرعافیہ نئیں آون گئیاں، کیوں جے اوہ آپ ای واپس پاکستان نئیں آوناچاہندیاں۔محمدفیصل نے ڈاکٹر عافیہ دی وطن واپسی نوں وزیراعظم عمران خان تے امریکی صدر ڈونلڈ ٹرمپ وچکار ملاقات نال جوڑدتااے۔
اوہناں دا آکھنا سی،آون والےدناں وچ دوہاں ملکاں دے آگو ملاقات کرن تے آس کیتی جاندی اے ڈاکٹر عافیہ دی واپسی ہو سکے۔’شکیل آفریدی بدلے عافیہ صدیقی دی واپسی تے گل ہوسکدی اے۔
دوجے پاسے ڈاکٹرعافیہ دی بھین ڈاکٹر فوزیہ دفتر خارجہ دےبیان نوں رد کردتا۔اوہناں آکھیا کہ جے کوئی کہندا اے عافیہ آپ واپس پاکستان نہیں آنا چاہندی، ایہہ گل نری جھوٹھ اے۔

اپنی رائے دا اظہار کرو