سوانیاں نوں وراثت وچ حق اپنی زندگی وچ ہی لینا ہووےگا، سپریم کورٹ

( اسلام آباد سجن ڈیسک ) جسٹس عمر عطا بندیال دی اگواھی ہیٹھ سپریم کورٹ دے 3 ججاں دے بینچ نے بچیاں ولوں دتی گئی درخاست جو نانا دی پراپرٹی وچ حق دے دعوے متعلق اپیل سی اوہ سنی گئی۔ اپیل دیاں دلیلاں وچ عدالت نے ریمارکس جوڑد یاں آکھیا کہ جنانیاں نوں وراثت دا حق اپنی زندگی وچ لینا پوے گا. چیتے رھوے کہ سینیٹ کمیٹی وچ جنانیاں دے پراپرٹی دے حق نوں ترمیمی بل 2020 وڈی سانجھ نال منظورکیتا گیا اے
عدالت دا کہنا سی کہ جنانیاں زندگی وچ جیکر اپنا جدی پشتی پراپرٹی دا حق نہ لیون تے اوھناں دے ایانے( بچے) دعویٰ نہیں کر سکدے ،
اس موقع اتے جسٹس عمر عطا بندیال نے ریمارکس دتے کہ قنون وراثت وچ سوانیاں دے حقاں دی حفاظت کریندا اے ، گل دا ٹورا ٹوردیاں اوھناں دا آکھناں سی کہ تساں تکیا ھووے گا کہ جنانیاں آپوں اپنے حق اپنی ہتھی چھڈ دیندیاں نیں یا دعویٰ نہ کرن تے فیر کیہ ھووے گا’۔
اخیرعدالت نے فیصلہ سناندیاں پشاور دی رہئشی سوانی دے بالاں دی درخاست موڑ دتی ۔