سرفراز احمد نوں کپتانی توں لادتا

کرکٹ ٹیم دے کپتان سرفراز احمد نوں ٹیسٹ ون ڈے تے ٹی ٹونٹی دی ذمہ داریاں توں ہٹا دتا، جمعے دی سویرے پی سی بی دے چیف ایگزیکٹو وسیم خان اوہناں نوں بلاکے کپٹانی چھڈن تے اپنی کارگزاری بہتر بناون لئی آکھیا اوہناں جواب دتا پئی مینوں ٹیم وچوں ڈراپ کردیو، چیف ایگزیکٹو آکھیا فیر تسیں اپنی پرفارمنس چنگی کرن مگروں آنا۔
پی سی بی نے ٹیسٹ لئی اک وار فیر اظہر علی تے ٹی ٹونٹی ٹیم لئی بابر اعظم نوں کپتانی دے دتی جد کے ون ڈے لئی کسے دا نام نئیں دتا۔

دوجے پاسے پی سی بی دا اک ٹویٹ میڈیا اتے تنقید جوگ بن گیا جدے وچ کپتانی توں ہٹاون مگروں کھڈاری میدان وچ خوشیاں منارہے نیں تے سرفراز نوں اک کھڈاری دھکے مارکے گراونڈ توں باہر جاون لئی کہہ رہیا۔ ایس ٹویٹ اتے ڈاھڈی تنقید ہوئی جدے مگروں پی سی بی نے معذرت کرلئی۔