361

دفاعی خرچ ،پاکستان انڈیا توں اگے

بغیر کسے جنگ دے جنوبی ایشیا دے دو ملکاں انڈیا ے پاکستان دا دفاعی خرچ ودھدا جارہیا اے۔ 2018 وچ پاکستان دے دفا‏عی خرچیاں وچ گیارہ فیصد وادھا ہویا،جیہڑا ساڑھے گیارہ ارب ڈالرتیک اپڑ گیا جدکے انڈیا وچ تن اعشاریہ اک فیصد وادھے نال سالانہ دفاعی خرچ ساڑھے 66 ارب ڈالر ہوگیا۔سویڈین وچ دفاعی خرچیاں دی تحقیق کرن والے ادارے ،سٹاک ہوم انٹرنیشنل پیس ریسرچ انسٹی ٹیوٹ (سیپری ) دی رپورٹ وچ دسیا گیا اے۔
رپورٹ مطابق 2018 وچ پوری دنیا دا دفاعی خرچ 1822 ارب ڈالر تیک پہنچ گیا جیہڑا لنگھے ورھے دے مقابلے وچ 2 اعشاریہ 6 فیصد زیادہ اے۔
2018 دوران جنگی تیاریاں اتے سبھ توں ودھ خرچ کرن والے پنچ ملکاں وچ امریکہ، چین، سعودی عرب، انڈیا تے فرانس نیں۔ ایہہ پنج ملک پوری دنیا دے کل دفاعی اخراجات دا 60 فیصد حصہ کلے خرچ کردے نیں۔

اپنی رائے دا اظہار کرو