پاکستان دے مختلف حراستی مرکزاں وچ ذہنی روگ دے شکار قیدیاں دی گنتی وچ وادھا ہورہیا اے۔ ڈان دی رپورٹ وچ دسیا گیا اے پئی جیلاں وچ موت دی سزا دے قیدیاں دی گنتی چار ہزار 688 اے ۔ جسٹس پروجیکٹ پاکستان دی آگو سارہ بلال اک پروگرام وچ دسیا پئی ذہنی روگ دا شکار بندے اوہناں جرماں دے ذمہ وار نئیں کیوں جے اوہناں دی نیت ایس جرم وچ شامل نئیں ہوندی۔
ڈاکٹر اسما ہمایوں دا آکھنا سی ہوسکدا اے زیادہ تر قیدی ذہنی روگی ناں ہوون لیکن اوہ معمولی تعلیم وی ناں لے سکدے ہوون۔ کجھ قیدی عام ذہنی روگ دا شکار ہوون جیہدا علاج کوئی گھٹ ماہر وی کرسکدا ہووے۔
603
