پیپلز پارٹی دے چئیرمین بلاول بھٹو تے سابق صدر آصف زرداری دی نیب وچ پیشی ویلے کارکناں دی وڈی تعداد اسلام آباد وچ مورچہ لا لیا۔ اوہ اپنے آگواں دی طلبی نوں انتقامی کارروائی تے سیاسی طور اتے تھلے لان دی کوشش قرار دتا۔ پولس نے کئیں تھانواں اتے جیالیاں نوں نیب دے دفتر ول جاون توں ڈک لیا۔ ایس دوران پولس تے کارکناں وچکار ماڈی چنگی کھچ دھرو وی ہوئی۔ ایہ جھڑپاں اوس ویلے ہوئیاں جدوں پولس نے جیالیاں نوں نیب آفس ول ودھن توں روکن دی کوشش کیتی۔ پولس نے کئیں جیالیاں نوں گرفتار وی کر لیا۔ 
پیپلز پارٹی دے چئیرمین بلاول بھٹو ہوراں نیب اگے پیشی دے موقعے اتے احتجاج ریکارڈ کران لئی کارکناں نون اسلام آباد سدیا سی۔ جد او پیشی لئی ٹرے تے اوہناں کج انقلابی شعر وی ٹویٹ کیتے۔
396
