پاکستان نے برطانوی نشریاتی ادارے بی بی سی دی رپورٹ ‘پاکستان میں انسانی حقوق کی پوشیدہ خلاف ورزیاں’ اتے باضابطہ احتجاج کردیاں برطانوی میڈیا ریگولیٹر وچ شکایت کردتی اے۔
2 جون نوں چھپن والی بی بی سی دی رپورٹ وچ 9/11 مگروں پاکستان وچ لمے چر تیک جاری ‘دہشت گردی خلاف جنگ’ وچ پشتون تحفظ موومنٹ دے مقامی آگومنظور پشتین دا موقف وی لیتاگیا۔
ڈان نیوز مطابق وزارت اطلاعات دے جاری شکایتی خط دی کاپی وچ آکھیا گیا کہ بی بی سی انگریزی تے بی بی سی اردو دوہاں نے اک خبر چھاپی جیہڑی صحافتی قدراں دے خلاف تےپلے توں تیارکیتی سی،
پاکستان سرکار آس کردی اے کہ بی بی سی اگے توں اپنی ادارتی پالیسی تے صحافتی اقدار دادھیان رکھے گی۔
بی بی سی دےسائمن فریزر نوں گھلی اک ای میل داحوالہ دتا گیا جیہدے بارے ڈائریکٹر جنرل آئی ایس پی آر میجر جنرل آصف غفور نے 3 جون نوں اک ٹویٹ وی کیتا سی۔
شکایت وچ آکھیاگیا کہ ‘آئی ایس پی آر ولوں تفصیلی گل بات دی پیشکش باوجود بی بی سی اک پاسی خبر شائع کیتی جیہڑی اوہناں دی اپنی ادارتی پالیسیاں دی اولنگھنا اے۔
372
